Angie's profileAngie...Breaking Free ...PhotosBlogListsMore  |  Tools Help |
|
June 06 FASHION SHOW之详细图解今日，终于攞翻之前citi fashion show嘅图啦，而家去片同大家一齐分享一下，笑一餐都好吖！！
首先，来一张MC shinko独照，中西合璧，谂你唔到啊！
来一张jack陈同张cc嘅，张cc件衫仲系hand making架
跟住来一张玫瑰同百度嘅上海滩，仲要七情上面架！！兼且有道具，不过好似道具掉转左啰...
来一张“瘫几”磨爆sunny tong，简直全场哇然啊，搞D甘嘅野！！
再来一个广州人妖show！脚毛都未剃啊！阴功！由于人妖eric反应热烈，我地个个争住同距合照！
来一张好有型嘅空姐＋空佬！分别由MRS WONG同天真超扮演！
最后上一张“夺面双肥”，分别由fanny同肥姣扮演
报告完毕！！！！ June 01 星光熠熠耀CITI是日，citi又有野搞了，去中酒大宴cpo＋fashion show，个个出尽法宝，无所不用其技，简直well well well done啊！！
首先，来一张我同翔嫂合照先！
跟住，来一张同MC shinko嘅合照
之后，再来一张攞猪肉奖嘅
再来参赛者，其实有好多猛人出来行，我选左最爆肚嘅JOHN先生出来，仲有多啦A梦先生，banking野人组合 May 27 我的三天两夜 （行街篇＋沙滩篇） 去到海口嘅第二日，肥仔终于得闲陪我一齐玩了，首先中午我地好无瘾甘去左PIZZA HUT吃中午饭 T_T。。。
之后见到海南嘅太阳实在唔系人甘品，所以系街做左短暂逗留之后就标翻酒店叹空调了
海南，天气真系好好，好到你惊，出到街睇住自己变黑炭，果种心情真系好难顶！！
不过真系蓝蓝的天，白白的云，隔一阵会有阵海风吹来，唔怕晒黑嘅可以尽情享受！
呢度特别讲一下海南嘅餐馆实在好一般，连蒸带子甘简单嘅送，都整得唔好吃，我整绝对好吃过距！
海口咩野最多？？除左椰子树之外！应该系nike，adidas，lining专卖店啦卦！我行完一条街，发现有N多间nike，puma，kappa，adidas....分分钟多
过土特产店！原来海南有好多运动健儿架，佩服佩服！
到左下午3点了，我地左2蚊公共汽车去“假日海滩”玩鸳鸯戏水了，wow，去到好墟撼啊！！ 好多人！
皆因我唔识游水，所以肥仔买左个水泡俾我求生！！
我就成个人摊系个水泡度“随波逐流”，肥仔就好似拉猪上树甘拉我周围游！！去到4点，太阳依然好劲！！晒到你谢晒！！就系甘晒左3个钟左右！！
我就明显黑左＋块面红晒！但系肥仔依然系一只“俄罗斯大白猪”真系好唔公平啊！
其实沙滩有水上摩托玩，但系竟然要100人仔玩10分钟！好似抢钱甘啊！当然睬距都有味啦！所以我地都系规规矩矩玩水算了....
就系甘，一日又过去了，第日就飞翻来了，其实我唔想走啊，想继续周围行下，起码，我连三亚都没去，天涯海角又没去，未算真正去过海南啊～～～
May 25 我的三天两夜 （机场篇 ＋ 酒店篇） 事原肥仔被公司分配左去海南做项目，又撞正肥仔25岁牛一，肥仔好有心甘订左机票俾我，等我过去一齐庆祝一下！！
第一次兼一个人坐飞机，wow，心惊惊啊！！
神甘早就去机场check in啦，慌死迟到甘！不过都好，早到好过迟到吖嘛！！！
首先见识左海南天气嘅幻变
事前做足功课，顺利登机，顺利落机，一落机，我即刻打电话俾肥仔
“肥仔！我落左机了”
“甘你快去坐机场大巴去海府路啦”
“哦，好啊，而家落紧雨啊”
“下？！你去左边啊？飞左去第度啊？边有落雨啊？你系边度啊？”
“咩啊？？美兰吖嘛！！点会飞去第度姐？？”
就甘样，肥仔带我稳到酒店落脚就寄甘脚翻公司继续OT了，直到深夜11点！！
 特别值得一提嘅就系，因为我只会系海口逗留，所以系市中心稳左一间大堂好靓嘅酒店。
wow，正啊！入到去一问，房间有温泉水可以浸浴架（我拉拉临落街买左浴盐玩浸浴）！！加上系4星级，房间＋厕所好干净啊！！
系14楼望落去，见到车来车往好热闹
美中不足就系，空调吹风口好嘈啊！！！
TO BE CONTINUED...
NX TOPIC: 沙滩篇
May 15 多事干嘅一年 感觉上今年上半年都好似没咩好事发生，special in 中国
明明话系08奥运年，但系可能系我反骨啦，硬系觉得奥运系自己门口开档就变得好似一个普通运动会甘，唔会好似上次雅典甘甘关心
再睇埋网上果d咩嘢08地震预言，咩嘢雪灾地震藏独啊，唉，没个好嘅...正如老豆话斋，出门都要小心d啊！
为地震灾区人民祈祷啦，阿宝宝哥话会尽全力抢救你地架，我就帮唔到咩手了，唯有碌住张卡上网捐钱啦，横掂下个月先还，哈哈哈 May 12 John's happy wedding是日（2008年5月10日)，JOHN大婚之日(好日），我地ctb众人一齐过去贺据！！场面异常壮观！！以下，去片！！ 首先，系一堆兄弟整装待发！！准备向新娘同姊妹“进攻” ♀ 接新娘 ♂ 以下介绍一下出场人物（由左至右）： MARK哥，白痴荣，大咀，大屎忽，“主角”，奥委“霍震霆”，马屎梁，吉米，jack陈，阿强，肥森，big brother （仲有隐形人：阿来－－负责揸机 就系有甘嘅缺点T_T）
同场加影“姊妹团”
♀ 接新娘成功 ♂ P.S 我个人觉得新娘好似“张惠妹”后生细粒版啊，哈哈哈
我同维维去到酒楼，见到一堆兄弟，一堆姊妹，就系唔见新郎新娘，原来回门赶紧翻来，所以我地班人自己影住相先！ 首先，同“霍震霆”合照先，哈哈哈，笑死我了，跟住同肥森、莱斯顿、丹尼合照 同VC合照，我笑到没左对眼啊T_T！！当然唔少得同“鼎爷”合照啦！！
最后，同阿来合照一番！！仲有一张我同维维、煲煲汤眼神都好迷离嘅相！
May 03 威尼斯之旅 是日，5月2日，相约肥仔去pizza hut吃威尼斯套餐（没得去都食住先啦）！
肥仔同学“西雯”“肥豪”一齐来，仲可以扮学生用“yummy”卡打折添！！真系抵到咩甘啊！！
其实个威尼斯套餐麻麻地，没上个月阿拉伯套餐甘好吃！不过去pizza hut唔食特别餐牌嘅话就真系没乜好食了.....
一个小时过去了...
吃完之后，开始谂之后嘅节目了，沐足推拿？电影？麻雀？ 哈哈哈，最后肥仔提议打麻雀！！
太好了，终于都解禁了，之前死肥仔一直唔准我打！！今日，我终于可以名正言顺甘打啦！！！
肥仔打麻雀嘅时候好似得左“瞬间失忆候群症”同“耳口脑不协调症”。
事原，明明洗好牌我就讲“西风开始”，点知我先打左一只牌，据就失惊无神问“而家咩风啊”
晕抵了我地三个都！！ 跟住，成日扰乱视听，明明自己打“三万”就讲“四筒”，明明打“七索”就话“八万”，完全系没“拉leng”嘅！！！
六个小时过去了...
最离奇嘅就系，最后竟然系距一个人赢......
真系世事无奇不有啊！！！ April 26 痛失英才。。。。。。。。。。。。。。
 。。。。。。。。。。。。。。。。。都没乜好讲，只系觉得可惜，点解唔可以系睇到cpo唔好嘅一面同时发掘一下其它好嘅地方呢？？？
没左你抵死风趣嘅作品，系“食铁饼”嘅一大损失，“鼎哥”！！！我地会挂住你架啦！！！ April 24 乱UP廿四之THE FORBIDDEN KINGDOM是日首映“功夫之王”，寄予厚望甘标去睇，点知，原来唔系 成龙＋李连杰＝sure win 嘅！！
首先由鬼佬做导演就系一个败笔，就算有再好嘅美指都拍唔到想要嘅效果，系鬼佬执导嘅镜头里面实在睇到太多西片嘅痕迹了...
呢出戏有七宗罪
第一，接受唔到有甘老嘅“齐天大圣”，李连杰扮马骝，“chow” 晒了，好得人惊啊～～～～
第二，乱编故仔，无端端“齐天大圣”变左做救世主，明明压系五指山，突然改左系变成一旧石，服得好紧要
第三，无端端弹左个白发魔女出来，屎忽唔搭罗柚 （白发魔女明明就系林青霞吖嘛，据partner系哥哥至岩架嘛)
第四，我超唔中意李冰冰，选角有问题！！！严重抗议
第五，戏中人名改得好肉酸，乜野“金燕子”“玉疆战神”，呕，听到反晒胃 （肉姜？？？我中意吃！！！）
第六，西方吸血鬼用银弹K.O！ 原来中国神仙系用“玉飞镖”就可以杀死架啦！！大家学到野啦！！
第七，学好多出西片甘，玩时空错乱，玉帝好似一部吹风机甘“呼”一声就将阿男主角吹翻美国，快过坐火箭啊
以上系我嘅睇后感，呢出戏，5粒星的话
我会俾据 ★★★
sorry，大哥，sorry jet lee，waiting for your another big movie！！
April 11 傻狗 今日翻来，同对面屋两只肥狗玩，过完一个肥年，两只狗肥到个身好似俾人吹胀左甘，圆碌碌，好似一条肥虫系地下lang下lang下甘  好似好惊我老豆部相机甘，睇下据惊慌嘅眼神，好似惊俾我老豆摄魂甘，好搞笑MY LITTLE GALLERY PART II桫椤树－－系一种超级古老嘅树来架，同恐龙同时期出现，不过呢棵树叻D，没好似恐龙甘灭绝，受保护嘅树木之一，感觉上好似一把士多嘅太阳伞啊 T_T...
清远嘅村庄，收获的季节，周围都金色架
呢D都系我老爸落足心机去影嘅，据强烈要求我摆上来，所以...大家俾俾面啦！哈哈哈 to be continued March 30 地狱火罐之我见 今晚，肥仔带我去沐足按摩，肥仔要女技师，我要左男技师，出面落住细雨，我地就系入面soft，虽然我系俾人按果个，但系都热到出汗，认真厉害！
本来次次我都系女技师嘅，今次走如来一个男技师，我真系好惊据大大力“链”死我啊
而且我老土啊，硬系觉得男女授受不亲吖嘛！点知原来男技师用力控制得好好，好舒服！而肥仔俾人按脚底穴位嘅时候就死甘话刺痛（太夸张了）
技师按肥仔胃、脑垂体、眼嘅穴位据都话好难顶，据睇来都要好好调理一下咯...哈哈哈
男技师话我湿气重（唔止一个人甘讲了），所以我地舒服按左一个钟后加左拔火罐！我从未试过拔火罐架！！肥仔死甘同我讲，好舒服架，拔啦，拔啦...
点知当第一个火罐放落来嘅时候，我就好后悔了，边个话唔痛架？？？边个话好舒服架？？？？呃人嘅！！！系好痛啊！！好似俾人好大力甘“灭”住甘！
好痛啊，而且仲放成10个火罐，过程中，我唯有不断喊救命来宣泄我嘅痛苦，果10几个火罐仲要系我个身上逗留10分钟，简直度日如年，好似几十斤米压
落来甘！
拔完火罐，得到嘅就系： 周身痛＋周身“hom"＋周身肿 T_T....
March 29 맛있는 음식물 寻晚，三只命一齐相约去韩国餐厅吃饭，翔嫂大乡里出城，所以我地一定要据试下吃韩国烧烤，之后仲带维维安同翔嫂去买衫，而家去片
翔嫂竟然罗我个生菜包做道具影相，T_T
调味牛肉烧烤，夹住好多配菜一齐吃，生菜好新鲜，味道刚刚好，而家睇住服务员示范好过瘾
劝左翔嫂好耐先肯点鸡汤饮，据实在太惊禽流感了.... 花旗参鸡汤（翔嫂强烈要求），其实我地点开药参鸡汤架咋，没什么分别，但系话系花旗参就大拿拿贵左7蚊了，又俾人稳笨了 T_T
土豆饼＋寿司卷 March 27 Thai滋味 是日，肥仔带我去行街睇戏兼吃饭，带着我去吃泰国菜，之前一直都系吃越南菜，终于试下新野啦，呢两派菜都好中意用伽厘同埋香茅，我个人就最唔中意香茅果浸“除”，而肥仔就中意都咩甘...
去到餐厅，环境好靓，仲有一对乐队系度弹吉他唱歌，不过加埋食客们嘅倾计声，就有点儿嘈杂了，而家去片
March 20 转载×××何为毒男××× 哈哈哈，笑死我了，睇左翠西嘅blog，听据慢慢解析何为“毒男”
我发觉...公司就有几个甘嘅物体系度摄来摄去啦！！
* 經常連續兩日同一件衫 （大有人在, J先生！） * 用國產牌子MP3機 （有啊有啊！！ 太阳先生啊！！不过先进d，系MP4) * 沒有大專或以上學歷 （呢个唔好意思问喔！！） * 行路寒背、閃縮 （唔止行路闪缩，眼神仲闪缩啊！！死未！！） * 不夠膽獨自進入高級店舖 (呢世都唔会同据地行街，无从考究...) * 喜歡參加網聚 （大把啦，上网聊女仔，上左网即刻个个变晒刘华） * ACG迷 (ACG 為Animation-動畫、Comic-漫畫、Game-遊戲的英文縮寫） （古先生系我地bank嘅漫画王，不过我个人认为据唔系“毒男”） * 身高不足160厘米 （哈哈哈，我成日觉得太阳先生同我一样甘高） * 與朋友間的話題總是圍繞電腦技術 * 認為金錢花在衣上是浪費金錢，只買電腦用品 * 在網上對女網民獻媚，現實中卻不敢和女性交往 * 經常幻想有女性欣賞自己的「內在美」 * 極容易對一些交往較多的女性產生好感 （最近太阳先生行为怪异，怀疑蜜运中） * 穿任何服裝也總是用同一個袋 （变形背囊系太阳先生嘅必需品） * 怯於約會女性 * 帶殘舊水樽上街 * 穿又殘又舊衣服外出 * 衣服多是母親購買或與母親同購 * 18歲前從未拍拖 （太阳先生，又系你啦！） Papa John's 是夜，放工落楼下papa john吃大饼，去片
第一次堂吃，之前一直都系叫外卖，其实环境都几好，好中意呢种柔和嘅灯光
等开餐啦！！磨刀霍霍～～～
首先来一个“斋佬”沙律，清一色蔬菜，水果欠奉！惊喜之处，可乐可以无限续杯，真系大乡里了！！
鸡肉串，味道就好似吃紧pizza hut鸡翼甘，唔错，唔错！！ 仲有好得意嘅辣椒仔
一个听个名觉得好漏嘅甜品－－巴伐利亚奶油，不过其实几好味架，因为系芒果味来架！！！ March 17 哈哈笑动物世界 星期日，肥仔同我去左香江动物世界，第二次去啦，肥仔话觉得太细啦喔，行来行去都系果几个地方，哈哈哈，不过都行到我死死下
果日一早，肥仔就夺命追魂call甘叫我起身，皆因我地系广之旅报名买飞只需要183两张，而自己去买的话要￥150×2，原来平成一旧水，当然唔可以错过啦！不过导游派飞超慢，扰扰攘攘，十点左右终于入场了，而家去片！！
March 12 结婚啦！！ 是日，张刘联婚啦！！我地作为42中代表，分别有嘻嘻同大头出席！！其实都好劲架啦！
新娘竟然可以请得到42中两位同年同月同日生嘅稀世美少女出席，简直增色不少啊！！
而家去片！
|
肥仔等吃嘅样啊，可能吃之前要祈祷一下啊
饮杯茶，等上菜，泰国菜配铁观音，crossover啊
首先，上一个“香蕉薄饼”，分量刚刚好，料又足，正！
菜名忘记左了，不过我帮据起一个啦，芒果＋青、黄、红灯笼椒＋烧春鸡，肥仔话“几清新”，不过吃落觉得甜得滞，不过有我中意嘅芒果，无计啦
青伽厘海鲜煲，青伽厘好辣，好大浸香茅味，感觉海鲜种类唔多，有青口、墨鱼、鱿鱼、鱼片、大头虾，再加上青椒、豆角和薯仔，“low” 饭好正啊！！
最后一道菜“石窝田鸡煲”，好惹味，辣辣地，岩晒我！
最后上一个甜品润一润，南瓜茸＋西米＋汤圆，杰ta ta，我唔中意，但系肥仔吃到好开心甘嘅样 T_T
出发啦，准备入场啦！
黑天鹅啊！！一只水鸭甘，唔识欣赏啊！！
马来貘，俾我嘅感觉就好似系熊猫＋肥猪嘅混血儿
来到羊咩天地，好臭，第一只系羊圈中嘅大佬，没一只羊够胆抢据嘅野吃，睇据对角甘劲，就知啦！！只要你只手递高，据就蠢到以为你俾野据吃，死甘伸长条颈架啦，好搞笑，而灰色呢只，我同肥仔都觉得好有傻宝嘅影子！！哈哈哈
狒狒啊，好丑样，而且仲成日“露械”！！哈哈哈！
雪虎，亚洲象一家大细，鹈鹕
来到动物幼儿园，只袋鼠bb好识叹，对住部暖器，踢都唔郁啊！！黑猩猩bb着晒小朋友衫，训到天昏地暗，真系好似我地嘅小朋友甘啊！！
睇表演，去到西游记剧场，一只猩猩骑住只小白马，真系好过瘾啊
来到自驾车游区，我地坐上电瓶车，没多影相，一边听讲解员“发up风” 一边摊透下，因为行左甘耐，好累啊！！！
同雪虎bb影相啊！！喂据饮奶，好得意啊！！其实据都几恶死架，不过对住支奶就乜都唔理啦，死甘系度吃吃吃！！
得意嘅树熊啊，今次终于见到据地郁啦，竟然见到据由树顶爬落来，犀非利啊！！
同鹦鹉合影啊，好得意架，仲可以两只一齐来，哈哈哈
最后标本都唔放过，照影！！
我地嘅拍摄位置唔系甘好，所以好多时只可以影到侧面
合照啊，我果张太黑了，样都睇唔到，费事post上来了，上嘻嘻呢张啦！！
中场休息，我地两个自拍，妈咪话我地两个块面都好有肉啊!
最后，post翻一张自拍，我新剪架个头，你地实话没变化啦！！T_T|
|
